काभ्रे । नेपाली कांग्रेसको १५औँ महाधिवेशनअन्तर्गत काभ्रेका १३ स्थानीय तहमा अधिवेशन सम्पन्न भएको छ। सम्पन्न अधिवेशनबाट विभिन्न स्थानीय तहमा नयाँ नेतृत्व चयन गरिएको छ।

अधिवेशनबाट मण्डनदेउपुर नगरपालिका, पाँचखाल नगरपालिका, भुम्लु गाउँपालिका, धुलिखेल नगरपालिका, पनौती नगरपालिका, चौरीदेउराली गाउँपालिका, तेमाल गाउँपालिका, बेथानचोक गाउँपालिका, रोशी गाउँपालिका, बनेपा नगरपालिका, महाभारत गाउँपालिका र नमोबुद्ध नगरपालिकामा सभापति चयन भएका छन्।

निर्वाचित सभापतिहरूको विवरणअनुसार मण्डनदेउपुर नगरपालिकामा रामहरि सापकोटा, पाँचखाल नगरपालिकामा सञ्जय तामाङ र भुम्लु गाउँपालिकामा मञ्जु शाह ठकुरी सभापति चयन भएका छन्।

त्यस्तै धुलिखेल नगरपालिकामा विदुर बस्नेत, पनौती नगरपालिकामा रुपक महत, चौरीदेउराली गाउँपालिकामा राजेश गौतम, तेमाल गाउँपालिकामा बिकुलाल तामाङ र बेथानचोक गाउँपालिकामा डिगमान तामाङ निर्वाचित भएका छन्।

रोशी गाउँपालिकामा दिल दोर्जे लामा, बनेपा नगरपालिकामा राम जोशी, महाभारत गाउँपालिकामा सागर लामा र नमोबुद्ध नगरपालिकामा कृष्ण लामा सभापति चयन भएका छन्।

खानीखोला गाउँपालिकामा भने सभापतिमा चयन भएका व्यक्तिको नाम हालसम्म सार्वजनिक विवरणमा उल्लेख गरिएको छैन।

नेपाली कांग्रेसको १५औँ महाधिवेशनअन्तर्गत स्थानीय तहमा नेतृत्व चयनको प्रक्रिया अघि बढेसँगै काभ्रेमा पनि पार्टीको स्थानीय संगठनले नयाँ नेतृत्व पाएको हो।